Helô a chroeso i'r cwrs. Diolch am gofrestru. Mae'n braf eich cael chi yma!

Mae'r cwrs hwn wedi'i rannu yn ddeg adran:

• Cyflwyniad: Helpu Eich Plentyn i Ddysgu
• Meithrin Dysgu
• Adnoddau a Thechnegau Meddwl
• Siarad a Gwrando
• Iaith
• Chwarae
• Mapiau Meddwl
• Adrodd Straeon
• Meddwl yn Greadigol
• Dysgu Gyda'ch Gilydd: Chi a'ch Plentyn

Gallwch weithio eich ffordd drwy'r rhain yn eu tro, neu gallwch eu gwneud mewn trefn sy'n gyfleus i chi. Fy unig gyngor fyddai i chi wneud adrannau 1 a 2 yn gyntaf gan eu bod yn gosod y sylfaen ar gyfer popeth arall.

Mae pob adran yn cynnwys fideos, canllaw ymarferol a thaflen dwyllo.

Mae'r fideos yn llawn gwybodaeth a chanllawiau ynghylch agweddau allweddol ar ddysgu. Mae'r canllawiau yn cyflwyno strategaethau ymarferol, gweithgareddau a thechnegau y gallwch eu defnyddio gyda'ch plentyn (ac mae croeso i chi eu haddasu, eu newid a'u datblygu er mwyn iddynt weithio i chi). Ac mae'r taflenni twyllo yn crynhoi’n fyr ar un dudalen y prif elfennau i'w dysgu ym mhob adran a'ch atgoffa chi o'r adnoddau ymarferol sydd wedi'u cynnwys yn y canllawiau.

Yn olaf, mae llawlyfr cwrs. Mae hwn i'w gael ar ddiwedd yr adran hon. Mae'r llawlyfr cwrs yn opsiynol. Cymerwch olwg a phenderfynwch a ydych am ei ddefnyddio ai peidio. Os ydych chi, gwych! Os ddim, mae hynny'n iawn hefyd. Y peth pwysicaf yw defnyddio'r cwrs a deunyddiau'r cwrs mewn modd sy'n gweithio i chi.

A dyna ni. Cyflwyniad drosodd, y cwrs wedi'i gyflwyno a'r agweddau ymarferol wedi'u trafod. Y cwbl sydd gennyf i i'w ddweud yw pob lwc, gobeithio y gwnewch chi fwynhau'r cwrs ac rwy'n sicr y byddwch yn gwneud yn wych wrth helpu'ch plentyn i ddysgu.